Congreso 25 anos do ProxectoTERRA – Iº Encontro Ibérico de Educación pola Arquitectura

Coa celebración dos 25 anos do ProxectoTERRA, o que pretendemos é presentar os recursos, actividades e os traballos desenvolvidos na cooperación coas distintas etapas da escolarización obrigatoria. As actividades asociadas a esta celebración estarán centradas na 1ª sesión do venres pola tarde do Encontro. acompañada dunha exposición na que se recollera unha significatova mostra dos recursos elabrados ao longo dos 25 anos do ProxetoTERRA.

Os contidos específicos do Iº Encontro Ibérico de Educación pola Arquitectura, desenvolveríanse na segunda xornada. O obxectivo é contribuír a xerar unha comunidade ibérica que integre as iniciativas que sobre educación pola arquitectura xa existen en España e Portugal, que permita compartir experiencias e abrir a posibilidade de colaboración nun interese esencial e compartido nas nosas sociedades en relación á vocación de servizo público que debe acompañar á calidade dos espazos que habitamos.

A terceira sesión estaría adicada a comunicacións de relatores invitados sobre temas de máxima vixencia o mundo educativo e a trasformación de espazos: os patios escolares e os novos espazos educativos para o presente. Rematará o encontro cunha mesa redonda na que poder extraer conclusións das experiencia compartidas.

Nota: Este Congreso/Encontro está recoñecido pola Dirección Xeral de Centros e Recursos Humanos como actividade de formación permanente do profesorado en Galicia (12 horas), en resolución do 29 de setembro de 2025.