ACTIVIDADES

Desenvólvense ao longo de dous días no ámbito da eurorrexión Galicia-Norte de Portugal. Apoiadas no traballo previo na aula das unidades de Paisaxe e Identidade Territorial, son as que permiten achegarse ao proceso histórico de construción do territorio de forma máis complexa e intensa, tomando consciencia da súa diversidade, contribuíndo a que o máis próximo non sexa o máis descoñecido.